10 ءساۋىر كۇنى ءىىم جانە وبلىستىق پوليتسيا دەپارتامەنتىنىڭ ەسىرتكى قىلمىسىنا قارسى ءىس-قيمىل باسقارماسىنىڭ قىزمەتكەرلەرى بىرلەسە وتكىزگەن جەدەل-پروفيلاكتيكالىق شارا كەزىندە “باتىس ەۋروپا – باتىس قىتاي” تاس جولىنىڭ ارال اۋدانىنداعى شيجاعا ەلدىمەكەنى تۇسىندا اۆتوكولىك توقتاتىلدى. كۇدىكتى كورىنگەن كولىكتى تەكسەرۋ كەزىندە ارتقى جۇك سالعىشتاعى بەنزين باگىنان بىرنەشە پلاستيك بوتەلكە شىعادى. ساراپتاما قورىتىندىسى بۇل بوتەلكەلەردەگى جاسىل ءشوپتىڭ كەپتىرىلگەن ماريحۋانا مەن گاشيش ەكەنىن انىقتادى.
وتىز التى جاستاعى كولىك يەسى جامبىل وبلىسىنىڭ تۇرعىنى بولىپ شىقتى. ول ارال اۋدانىنداعى پوليتسيا ءبولىمىنىڭ ۋاقىتشا ۇستاۋ يزولياتورىنا قاماۋعا الىندى. قازىر ونىڭ ۇستىنەن قر قك 297-بابى, 3-بولىگىنىڭ 3-تارماعىمەن سوتقا دەيىنگى تەرگەۋ امالدارى ءجۇرىپ جاتىر.
قىزىلوردا وبلىسى
